Жамият ривожлантириш стратегияси

Корхонани ислоҳ қилиш 

Истиқболли ривожланиш, стратегия, ислоҳ қилиш мақсади ва

босқичлари ва ислоҳ қилишнинг 2024 йил учун режаси. 

“Анрен логистика маркази”АЖни истиқболли ривожлантириш, стратегияси мавжуд эмас. Жамиятнинг молиявий ночор аҳволи унинг фаолият турини ўзгартиришга имкон бермайди. Жамият тўлов қобилиятини йўқотганлиги, айланма маблағлари бўлмаганлиги, транспорт-экспедиторлик хизмати кўрсатиш учун бюртмачилар йўқлиги сабабли фаолият турини ўзгартириш учун тижорат банкларидан кредит олиш, инвесторларни жалб қилиш имкони йўқ.

Ўзбекистон Республикаси Президентининг 2020 йил 27 октябрдаги “Давлат иштирокидаги корхоналарни ислоҳ қилишни жадаллаштириш ҳамда давлат активларини хусусийлаштиришга оид чора-тадбирлар тўғрисида”ги ПФ-6096-сонли фармонининг 4-иловасига мувофиқ “Ангрен логистика маркази” АЖнинг 0,5 фоиз давлат улуши оммавий савдолар орқали сотилиши, жамиятнинг устав капиталида давлат улуши устун мавқега эга бўлган корхоналарнинг улуши белгиланган тартибда бошқарув органлари қарорлари асосида баланс қийматида устав фондидаги давлат улушини камайтириш ҳисобига Ўзбекистон Республикаси Давлат активларини бошқариш агентлигига ўтказилиб, яхлит пакет савдога чиқарилиши белгиланган.

“Ангрен логистика маркази” АЖнинг устав капиталида давлат улуши устун мавқега эга бўлган “Ўзавтосаноат” АЖ, “Ўзбекистон темир йўллари” АЖ, “Ўзкимёсаноат” АЖ, “Фарғонаазот” АЖ ўз улушларини белгиланган тартибда баланс қийматида устав фондидаги давлат улушини камайтириш ҳисобига Ўзбекистон Республикаси Давлат активларини бошқариш агентлигига ўтказилган.

Ўзбекистон Республикаси Президентининг 2023 йил 24 мартдаги ПҚ-102-сон қарорига мувофиқ “Ангрен логистика маркази” АЖнинг 100 фоиз давлат улуши сотилиши белгиланган.

Ўзбекистон Республикаси Давлат активларини бошқариш агентлиги томонидан «Mosaic financial»  МЧЖ “Ангрен логистика маркази” АЖнинг устав капиталидаги давлат улушини хусусийлаштириш бўйича профессионал консультант сифатида танланган.

2023 йил 1 июль ҳолатига “Ангрен логистика маркази” АЖнинг устав капиталида 100% давлат улушини (акция пакетини) мустақил баҳоловчи “BAHOLASH VA KONSALTING MARKAZI” МЧЖ томонидан яхлит пакет қилиб савдога чиқариш учун бозор баҳосида баҳолатилган.

Ўзбекистон Республикаси Давлат активларини бошқариш агентлигининг Тошкент вилояти ҳудудий бошқармаси томонидан 2023 йил 11 декабрь куни “Ангрен логистика маркази” АЖ устав фондидаги 100 фоиз давлат акция пакетини биржа савдосига қўйиш тўғрисида”ги 179-i/ch-сонли буйруғи қабул қилинган.

2023 йил 20 декабрь “Ангрен логистика маркази” АЖнинг 1 303 803 (бир миллион уч юз уч минг саккиз юз уч) дона номинал қиймати 5 000 сўм бўлган 100 фоиз давлат акция пакетини бошланғич нархи 116 608 081 231,0 (бир юз ўн олти миллиард олти юз саккиз миллион саксон бир минг икки юз ўттиз бир) сўмда “Тошкент” Республика фонд биржаси” АЖнинг биржа котировкалаш варағига киритилган.